У Мінскім раёне мядзведзь выйшаў да людзей

• 27.05.2026, 13:22

Касалапік апынуўся ў 500 метрах ад дзялянкі.

Выйсці са сваёй дзялянкі і ўбачыць мядзведзя — такое выпадае не кожнаму. Нядаўна нечаканая сустрэча адбылася проста каля вёсак Сады і Чарнікі Юзуфаўскага сельсавета, за 25 кіламетраў ад Мінска, піша pristalica.by.

Кадры гэтага моманту апублікавала карыстальніца Threads. Як высветлілася, гэта не першы выпадак сустрэчы з дзікімі жывёламі ў гэтых ваколіцах. «Нядаўна пісала, што, падаецца, воўк заходзіў на дзялянку. А тут яшчэ такі сюрпрыз. 25 км ад Мінска», — паведаміла дзяўчына ў публікацыі.

Касалапік апынуўся ў 500 метрах ад дзялянкі.