Мінчук расчуліў сацсеткі, чакаючы дзяўчыну пад дажджом з букетам руж

• 27.05.2026, 15:19

Яшчэ не перавяліся рамантыкі на гэтай зямлі.

Карыстальніца Threads Алеся Клочко выпадкова зняла сапраўдны кароткаметражны фільм, героем якога стаў хлопец з букетам чырвоных руж, які чакаў дзяўчыну. Ён сядзеў на парапеце на ажыўленай вуліцы ў цэнтры Мінска пад праліўным дажджом, на гэта звярнуў увагу сайт Charter97.org.

«Яшчэ не перавяліся рамантыкі на гэтай зямлі», — напісала аўтарка відэа.

У пэўны момант хлопец устае, бо дзяўчына, якую ён чакаў, прыйшла. Тыя, хто сачыў за развіццём падзей, знаходзячыся ў будынку насупраць, апладзіруюць яму.

Відэа расчуліла мінчукоў: у каментарыях пішуць, што пасля такіх сцэн зноў хочацца верыць у каханне і ў тое, што «свет яшчэ можна ўратаваць».