Кансульства Польшчы ў Мінску змяніла правілы падаўжэння карт паляка

• 27.05.2026, 15:57

Частка заяўнікаў зможа запісацца па электроннай пошце.

Кансульства Польшчы ў Мінску змяніла правілы падаўжэння карт паляка, піша выданне MOST.

Як і раней, асобныя катэгорыі заяўнікаў могуць запісацца па электроннай пошце. Такі запіс даступны:

асобам, якія хадайнічаюць аб падаўжэнні карты паляка ў сувязі з дасягненнем паўналецця,

асобам, якія дасягнулі 65 гадоў,

асобам, якія хадайнічаюць аб атрыманні дубліката карты паляка ў сувязі з яе стратай,

асобам, якія хадайнічаюць аб атрыманні карты паляка ў сувязі са змяненнем звестак.

Для рэгістрацыі на візіт у кансульства неабходна адправіць на электронны адрас minsk.wk.karta@msz.gov.pl заяву, якая ўтрымлівае наступную інфармацыю:

імя і прозвішча ўладальніка карты паляка;

дата нараджэння;

адрас рэгістрацыі ў мінскім кансульскім акрузе;

тэрмін дзеяння наяўнай карты паляка.

У тэме ліста неабходна пазначыць адну з мэт:

Karta Polaka_przedłużenie_pełnoletność

Karta Polaka_przedłużenie_65+

Karta Polaka_duplikat

Karta Polaka_zmiana danych

e-konsulat

Тыя, хто не адносіцца да пазначаных катэгорый, могуць запісацца на візіт для падачы заявы аб падаўжэнні карты праз сістэму e-konsulat. У кансульстве абяцаюць, што даты запісу будуць публікавацца кожную пятніцу, а колькасць месцаў будзе абмежавана.