Дуб, павалены ветрам, заблакаваў рух на трасе Бабруйск – Магілёў

• 27.05.2026, 18:52

Фотафакт.

Дуб, павалены ветрам, заблакаваў рух на трасе Бабруйск – Магілёў. Пра гэта паведамляе БелТА.

Затор з некалькіх дзесяткаў аўтамабіляў утварыўся ў напрамку з Бабруйска ў бок Кіраўска паблізу павароту на аграгарадок Мышкавічы. Прычына – дуб, павалены моцным ветрам (па ўказанай прычыне на 27 мая сіноптыкі абвясцілі аранжавы ўзровень небяспекі), які зваліўся на аўтадарогу.

Наступствы ліквідуюць супрацоўнікі дарожнай службы, а таксама экіпаж ДАІ. Вядома, што адзін з аўтамабіляў атрымаў механічныя пашкоджанні. Па папярэдніх звестках, ніхто не пацярпеў.