Зяленскі накіраваў Трампу і Кангрэсу ЗША тэрміновы ліст

• 27.05.2026, 21:19

Стаў вядомы яго змест.

Прэзідэнт Украіны Уладзімір Зяленскі накіраваў тэрміновы ліст кіраўніцтву ЗША, у якім папярэдзіў пра абвастрэнне дэфіцыту сістэм супрацьпаветранай абароны ва Украіне, у прыватнасці сродкаў для перахопу балістычных ракет. Пра гэта 27 мая паведаміла Kyiv Independent, пазней гэтую інфармацыю пацвердзіў дарадца Зяленскага Дзмітрый Літвін.

Зварот адрасаваны прэзідэнту ЗША Дональду Трампу. Яго таксама перадалі ў Белы дом, старшыні Палаты прадстаўнікоў Майку Джонсану і іншым членам Кангрэса ЗША.

У лісце Зяленскі падкрэсліў, што Украіна ўсё больш залежыць ад партнёраў у абароне ад ракетных удараў дзяржавы-агрэсара РФ, а ў частцы супрацьракетнай абароны — амаль цалкам ад Злучаных Штатаў. Асаблівую занепакоенасць выклікаюць абмежаваныя запасы перахопнікаў зенітных ракетных сістэм Patriot і іншых заходніх комплексаў.

Зяленскі адзначыў, што тэмпы паставак узбраення праз праграму Prioritized Ukraine Requirements List (PURL), якая дазваляе саюзнікам па НАТА фінансаваць набыццё амерыканскай зброі для Украіны, не адпавядаюць узроўню пагрозы з боку Расіі.

Таксама ў звароце гучыць заклік да ЗША і Кангрэса заставацца ўцягнутымі ў падтрымку Украіны і садзейнічаць пастаўкам дадатковых сістэм СПА, у прыватнасці ракет Patriot PAC-3.

Кіраўнік дзяржавы падкрэсліў, што неба над Украінай можна абараніць.

Журналіст Axios Барак Равід апублікаваў у сацыяльнай сетцы X фота ліста Зяленскага. Літвін пацвердзіў яго сапраўднасць.