На трасе М1 пад мастом застрэў самазвал БелАЗ

• 27.05.2026, 21:51

Відэафакт.

На трасе М1 раніцай 26 мая адбыўся незвычайны інцыдэнт: кар’ерны самазвал БелАЗ застрэў пад мастом, піша Blizko.by.

Як паведамляецца, здарэнне адбылося на скрыжаванні М1 з дарогай Н-9531, недалёка ад пасёлка Сакол каля Мінска. Сам самазвал перавозілі на спецыяльнай платформе (лафеце) у бок Брэста.

Судзячы па відэа, транспарт з грузам спыніўся пад мастом. Дакладна невядома, ці сапраўды самазвал упёрся ў канструкцыю моста, ці кіроўца цягача своечасова затармазіў, каб пазбегнуць сутыкнення.

Ёсць таксама меркаванне, што знак, які паказвае максімальную вышыню праезду пад мастом, мог утрымліваць няправільную інфармацыю.

Афіцыйных каментароў ад міліцыі і ДАІ па гэтым інцыдэнце пакуль не было.