Аўтар «прарочай» сцэны з Трампам у «Сімпсанах» ідзе ў прэзідэнты

• 27.05.2026, 22:13

Дэн Грыні збіраецца балатавацца ў 2028 годзе.

Сцэнарыст «Сімпсанаў» Дэн Грыні абвясціў пра намер удзельнічаць у прэзідэнцкіх выбарах ЗША 2028 года.

Грыні напісаў эпізод «Bart to the Future», які выйшаў у 2000 годзе. У серыі Ліза Сімпсан становіцца прэзідэнткай ЗША і кажа, што краіне дасталіся сур'ёзны бюджэтны крызіс «пасля прэзідэнта Трампа». Пасля перамогі Дональда Трампа на выбарах 2016 года многія палічылі гэты момант прарочым.

У сваім відэазвароце Дэн Грыні спачатку з'явіўся ў вобразе чараўніка і назваў сябе «самаабвешчаным прарокам», а потым раскрытыкаваў сучасную амерыканскую палітыку.

Паводле яго слоў, цяперашнія лідары краіны і прадстаўнікі абедзвюх партый думаюць найперш пра ўладу, грошы і ўласную бяспеку, а не пра інтарэсы грамадзян. Пасля гэтага сцэнарыст зняў касцюм і заявіў, што насамрэч мае юрыдычную адукацыю і збіраецца ўдзельнічаць у выбарах з праграмай «Амерыка для ўсіх».

Такім чынам, Дэн Грыні стаў адным з першых публічных кандыдатаў, якія заявілі пра намер удзельнічаць у прэзідэнцкай гонцы 2028 года. Выбары ў ЗША адбудуцца 7 лістапада 2028 года. Паводле амерыканскага заканадаўства Дональд Трамп не зможа балатавацца зноў, бо прэзідэнтам забаронена займаць пасаду больш за два тэрміны.