Трамп пагразіў «узарваць Аман»

• 28.05.2026, 7:55

З-за нафтавага дагавору з Іранам.

Прэзідэнт ЗША Дональд Трамп пагразіў ваенным ударам Аману з-за спробаў усталяваць кантроль над Армузскім пралівам разам з Іранам. Амерыканскі лідар патрабуе ад саюзніка адмовіцца ад планаў спагнання платы за праход караблёў.

Пра гэта паведамляе The Guardian.

Кіраўнік Белага дома выказаў пагрозу падчас нефармальнай размовы на пасяджэнні кабінета міністраў. Яго абурыла інфармацыя пра таемныя перамовы Амана і Тэгерана наконт Армузскага праліва, і Трамп патрабуе поўнай свабоды суднаходства.

«Праліў будзе адкрыты для ўсіх», — заявіў Трамп. «Ніхто не збіраецца яго кантраляваць. Мы збіраемся за ім сачыць. Мы будзем за ім сачыць. Але ніхто не збіраецца яго кантраляваць. Гэта частка перамоў, якія мы вядзём».

Трамп наўпрост заявіў пра магчымасць маштабнай атакі на Аман.

«Аман будзе паводзіць сябе гэтак жа, як і ўсе астатнія. Інакш нам давядзецца іх узарваць. Яны гэта разумеюць. З імі ўсё будзе добра», — дадаў амерыканскі прэзідэнт.

Канфлікт у Вашынгтоне: рэспубліканцы супраць перамір'я

У матэрыяле адзначаецца, што з-за няўдалых перамоў з Іранам рэспубліканскія «ястрабы» незадаволеныя. Яны падтрымлівалі вайну супраць Ірана з самага пачатку, і аперацыя «Эпічная ярасьць» з'яўляецца для іх прынцыповай. Магчымае 60-дзённае спыненне агню яны лічаць паражэннем.

Роджэр Уікер, старшыня Камітэта Сената па ўзброеных сілах, назваў магчымае перамір'е «катастрофай». Ён лічыць, што гэта звядзе на нішто ўсе дасягненні арміі.