Расіянам пачалі адкрыта тлумачыць выгаду ад паразы ў вайне з Украінай

• Тэлеграм-канал Astra
• 28.05.2026, 9:42

За справу ўзялася газета «Маскоўскі камсамолец».

Пракрамлёўскае выданне «Маскоўскі камсамолец» апублікавала артыкул пад загалоўкам «Уражальныя паразы: калі геапалітычныя паразы могуць быць карыснейшыя за бліскучыя перамогі».

У артыкуле аўтар Дзмітрый Красноў — адвакат і член Грамадскай палаты Масквы — піша, што «буйныя геапалітычныя паразы часам аказваліся карыснейшымі, чым бліскучыя перамогі».

«Кожная ваенная параза, кожны «ганебны мір» не разбуралі Русь, Расію, а рабілі яе мацнейшай і ў будучыні прыводзілі да пашырэння межаў і ўмацавання пазіцый», — сцвярджае Красноў.

Паводле яго слоў, «любы ганебны мір» спараджаў «абязтлушчванне элітаў і больш свабоды народу», а «разгромленая краіна пачынала імкліва набіраць сілу».

Аўтар лічыць, што Пётр Першы стаў «Вялікім», «таму што змог прыняць правільнае рашэнне пасля паразы ў адной бітве, а не ў вайне цалкам»:

«Яму хапіла аднаго нарвскага пінка, каб зразумець тое, да чаго іншыя дадумваліся толькі пасля страты Севастопаля, Порт-Артура або цэлых губерняў па Берасцейскім міры».

«На жаль, каб паўтарыць досвед Пятра, трэба быць настолькі ж вялікім. Эліты заўсёды бліжэй да трону, чым простыя людзі, таму кіраўніцтву дзяржавы не так ужо проста прыняць рашэнне, што разрывае заганнае кола, да паразы», — падсумаваў ён.

Тэлеграм-канал Astra