У «Газпрама» знайшоўся нечаканы канкурэнт

• 28.05.2026, 11:01

Канада ўключаецца ў барацьбу.

Нарашчваючы экспартныя магчымасці, Канада плануе замяшчаць на сусветным рынку расійскі газ блакітным палівам уласнай здабычы.

Пра гэта заявіў прэм’ер-міністр Канады Марк Карні, каментуючы будаўніцтва на заходнім узбярэжжы краіны новага экспартнага тэрмінала звадкаванага газу, паведамляе «Укрінформ».

«Так», — адказаў ён на пытанне пра тое, ці будзе канадскі газ замяшчаць расійскі.

Паводле яго слоў, Канада — адно з рашэнняў энергетычнай бяспекі Еўропы і Азіі. «Новы тэрмінал будзе спрыяць энергетычнай бяспецы Германіі, і мы яшчэ шмат можам зрабіць у партнёрстве з Еўропай», — адзначыў кіраўнік урада.