У Латвіі сфармавалі новы ўрад

• 28.05.2026, 20:22

У кааліцыю ўвайшлі чатыры палітычныя сілы.

Сейм Латвіі 28 мая зацвердзіў новы ўрад, які ўзначаліў Андрыс Кулбергс. У кааліцыю ўвайшлі чатыры палітычныя сілы: «Аб'яднаны спіс», «Новае адзінства», Саюз «зялёных» і сялян, а таксама «Нацыянальнае аб'яднанне». У апазіцыі засталіся «Прагрэсіўныя» і «Латвія на першым месцы», паведамляе Delfi.lv.

За новы склад урада прагаласавалі 66 дэпутатаў, супраць — 25. Урад будзе працаваць нядоўга, бо ўжо 3 кастрычніка ў краіне адбудуцца парламенцкія выбары, пасля якіх будзе сфармаваны новы склад Сейма і новая кааліцыя.

Некаторыя міністры з папярэдняга ўрада, у прыватнасці міністр замежных спраў і міністр абароны, захавалі свае пасады.

Па палітычным складзе новы ўрад лічыцца больш нацыянальна-кансерватыўным і арыентаваным на традыцыйныя каштоўнасці.

Андрыс Кулбергс заявіў, што галоўныя задачы яго кабінета — забеспячэнне бяспекі краіны (знешняй, унутранай, энергетычнай) і развіццё эканомікі. Ён падкрэсліў, што бяспека і эканоміка цесна звязаныя паміж сабой.

Партыя «Аб'яднаны спіс», якую прадстаўляе Кулбергс, была найбуйнейшай апазіцыйнай сілай у парламенце, што і паўплывала на рашэнне прэзідэнта Латвіі Эдгарса Рынкевічса даручыць фарміраванне новага ўрада менавіта яму.

Сам Кулбергс прыйшоў у палітыку адносна нядаўна — у 2022 годзе; да гэтага ён быў вядомы як бізнесмен і эксперт у аўтамабільнай сферы. У парламенце ён актыўна ўдзельнічае ў дыскусіях і займаўся расследаваннем праблем, звязаных з буйнымі інфраструктурнымі праектамі.

Папярэдні ўрад на чале з Эвікай Сіліняй падаў у адстаўку пасля распаду кааліцыі. Гэта адбылося на фоне палітычных спрэчак, у тым ліку вакол сітуацыі з адстаўкай міністра абароны, што ў выніку прывяло да крызісу ўлады.

Новы ўрад быў сфармаваны вельмі хутка — прыкладна за 10 дзён, пасля таго як у сярэдзіне мая папярэдні кабінет на чале з Эвікай Сіліняй пайшоў у адстаўку з-за распаду кааліцыі.