Украіна нарошчвае фартыфікацыі на мяжы з Беларуссю

• 28.05.2026, 21:53

Украінцы ўмацоўваюць больш за 1000 кіламетраў мяжы.

Украіна працягвае нарошчваць абарончыя рубяжы на ўсёй працягласці ўчастка паўночнай мяжы з Беларуссю.

Пра гэта ў каментарыі РБК-Украіна заявіў спікер Дзяржаўнай памежнай службы Украіны Андрэй Демченко.

Паводле слоў спікера ДПСУ, дзяржаўная мяжа з Беларуссю, працягласць якой складае 1085 кіламетраў, абароненая ад ворага. Аднак цяпер ідзе працэс яе актыўнага ўмацавання.

Узмацненне абароны адбываецца комплексна з удзелам розных сіл бяспекі і абароны:

«Тыя работы, якія ўжо былі зроблены, цяпер гаворка ідзе пра тое, каб іх яшчэ нарасціць», — адзначыў Демченко ў размове з РБК-Украіна.