Жонкі Чэмезава і Пяскова падалі іскі аб зняцці санкцый ЕС

• 29.05.2026, 2:00

Яны валодаюць буйнымі актывамі.

У Судзе ЕС зарэгістраваныя новыя іскі аб адмене санкцый супраць жонак і членаў сем’яў высокапастаўленых расійцаў. У картатэцы Суда ЕС з’явілася справа Ігнатавай супраць Рады ЕС. Пад санкцыямі ЕС — жонка і падчарыца кіраўніка «Ростэха» Сяргея Чэмезава Кацярына і Анастасія Ігнатавы. Абедзве валодаюць буйнымі актывамі. У апошняй даступнай дэкларацыі жонкі Чэмезава гадавы даход склаў каля $24 млн. Падчарыца Анастасія Ігнатава праз афшорныя структуры валодае актывамі на сотні мільёнаў долараў, у тым ліку яхтай Valerie даўжынёй 85 метраў і коштам каля $140 млн.

Алімпійская чэмпіёнка і жонка прэс-сакратара прэзідэнта РФ Дзмітрыя Пяскова Тацяна Навка таксама аспрэчыла ўведзеныя супраць яе абмежаванні. Яна была ўключаная ў санкцыйны спіс ЕС у чэрвені 2022 года ў межах шостага пакета санкцый. У рашэнні Рады ЕС адзначалася, што яна звязаная з аб’ектамі нерухомасці ў Крыме, а таксама з асобамі, якія падтрымліваюць дзеянні, што пагражаюць тэрытарыяльнай цэласнасці Украіны.

Таксама на гэтым тыдні стала вядома, што спявачка Паліна Гагарына падала пазоў у Суд ЕС. Першы пазоў яе юрысты падалі ў верасні 2024 года. Сярод довадаў абароны — сцвярджэнне, што Рада ЕС не даказала адпаведнасць спявачкі крытэрыю «асобы, якія фінансава падтрымліваюць высокапастаўленых службовых асоб». Яна сцвярджае, што абмежаванні парушаюць яе права на свабоду выказвання меркаванняў і творчую дзейнасць.