Расія атакавала турэцкі карабель у Чорным моры

• 29.05.2026, 17:31

Успыхнуў пажар, ёсць параненыя.

Уначы Расія мэтанакіравана атакавала дроном турэцкае судна, якое накіроўвалася з адэскага порта ў Турцыю. Пра гэта паведамляюць Ваенна-марскія сілы Украіны.

Адзначаецца, што быў атакаваны сухагруз ANT, які пад сцягам Вануату (краіна-суднаўладальнік — Турцыя) накіроўваўся з аднаго з партоў Адэскай вобласці ў Турцыю з грузам на борце.

У выніку траплення ў надбудову судна ўзнік пажар, аднак падраздзяленням Марскай пошукава-выратавальнай службы і Ваенна-марскіх сіл Украіны ўдалося хутка яго лакалізаваць.

У той жа час у выніку ўдару пацярпелі двое членаў экіпажа, іх аператыўна эвакуявалі катэрамі Ваенна-марскіх сіл Украіны і даставілі ў медыцынскую ўстанову.