Навукоўцы: Найвышэйшая гара ў Сонечнай сістэме з'явілася 3 мільярды гадоў таму

• 29.05.2026, 14:30

Яна знаходзіцца не на Зямлі.

Марс — другая паводле маласці планета ў Сонечнай сістэме пасля Меркурыя. Нягледзячы на гэта, на Чырвонай планеце знаходзіцца найбольшы вулкан у Сонечнай сістэме — гара Алімп. У чарговы раз пераканацца ў тым, што гэта неверагодна вялізнае прыроднае ўтварэнне, дапамагаюць новыя фатаграфіі, зробленыя касмічным апаратам Mars Express, піша «Фокус».

Гара Алімп — гэта патухлы шчытавы вулкан, які знаходзіцца на Марсе. Яго дыяметр складае прыблізна 600 км, а плошча — каля 300 000 кв. км, што параўнальна з плошчай Польшчы. Гэта найвышэйшы вулкан і найвышэйшая гара ў Сонечнай сістэме; яе вышыня — каля 21 кіламетра. Іншымі словамі, гара Алімп амаль у тры разы вышэйшая за найвышэйшую гару на Зямлі — Эверэст.