Келлог: Гэта стане канцом Лукашэнкі

• 29.05.2026, 20:03

Былы спецпрадстаўнік Трампа зрабіў заяву пра магчымы напад Беларусі на Украіну.

Былы спецпрадстаўнік Дональда Трампа Кіт Келлог заявіў, што магчымы напад Беларусі на Украіну стане катастрофай для Лукашэнкі. Такую заяву ён зрабіў падчас форуму па бяспецы ў Адэсе, паведамляе OBOZ.UA.

Келлог выступіў на Third Black Sea Security Forum 2026, які распачаўся ў Адэсе 29 мая і працягнецца некалькі дзён. Падчас дыскусіі ён успомніў свае перамовы з Лукашэнкам і пракаментаваў верагоднасць прамога ўцягвання Беларусі ў вайну.

Келлог выступіў на Third Black Sea Security Forum 2026, які распачаўся ў Адэсе 29 мая і працягнецца некалькі дзён. Падчас дыскусіі ён успомніў свае перамовы з Лукашэнкам і пракаментаваў верагоднасць прамога ўцягвання Беларусі ў вайну.

Паводле слоў Келлога, ён асабіста сустракаўся з Лукашэнкам падчас абмеркавання палітычнай пазіцыі Беларусі. Генерал адзначыў, што беларускі лідар застаецца набліжаным да расійскага дыктатара Пуціна, аднак рашэнне напасці на Украіну можа мець для яго сур'ёзныя наступствы.

«Мы сустракаліся з Лукашэнкам, калі вызначалі палітычную пазіцыю. І Лукашэнка сапраўды набліжаны да Пуціна, але калі ён прыме рашэнне напасці на Украіну, то гэта будзе катастрофай для яго», — сказаў Келлог падчас форуму.

Ён таксама дадаў, што ў выпадку такога сцэнару «гэта стане апошнім днём Лукашэнкі». Гэтая фраза прагучала падчас адкрытай дыскусіі на мерапрыемстве па бяспецы ў Адэсе.