Украіна паразіла два буйныя нафтавыя танкеры РФ у Наварасійску

• 3.05.2026, 10:20

Акупантаў чакаў сюрпрыз проста на ўваходзе ў порт.

Прэзідэнт Украіны Уладзімір Зяленскі заявіў, што Сілы абароны паразілі два нафтавыя танкеры РФ у акваторыі порта Наварасійска, якія выкарыстоўваліся для перавозкі нафты.

Пра гэта паведамляе Charter97.org са спасылкай на паведамленне Зяленскага ў Telegram.

Паводле яго слоў, гэтыя караблі належалі да так званага «ценявога флоту» РФ і актыўна выкарыстоўваліся для транспартавання нафты.

«Нашы ваяры працягваюць прымяняць санкцыі супраць расійскага ценявога нафтавага флоту — паразілі два такія караблі ў акваторыі ўваходу ў порт Наварасійска», — заявіў прэзідэнт Украіны.

Ён падзякаваў начальніку Генеральнага штаба ЗСУ Андрэю Гнатаву, контрвыведку Службы бяспекі Украіны і Ваенна-марскія сілы Украіны за правядзенне аперацыі.

«Украінская далёкабойнасць будзе усебакова развівацца — на моры, у небе і на сушы. Слава Украіне», — падсумаваў Зяленскі.