Памежная служба Украіны папярэдзіла пра правакацыі з тэрыторыі Беларусі

• 3.05.2026, 11:55

Такі сцэнар не выключаецца.

Пагроза для Украіны з боку Беларусі нікуды не знікае, бо там працягваюць падтрымліваць РФ.

Пра гэта паведаміў прэс-сакратар ДПСУ Андрэй Дземчэнка у эфіры «Мы – Украіна», перадае Цензор.НЕТ.

Магчымыя правакацыі

Так, ён адзначыў, што вялікай колькасці расійскіх сіл на тэрыторыі Беларусі пакуль не назіраецца. У той жа час прэс-сакратар заўважыў, што Беларусь працягвае падыгрываць РФ.

«Можам чакаць або можам рыхтавацца да таго, што будуць спробы дэстабілізаваць сітуацыю ў напрамку нашай мяжы, не выключаем правакацый», — адзначыў Дземчэнка.

Залёт паветранага шара

Паводле слоў прэс-сакратара, учора быў зафіксаваны залёт паветранага шара з боку Беларусі.

«Фактычна гэты сродак выкарыстоўваўся як рэтранслятар, каб узмацняць сігнал для паветраных сродкаў паражэння, якія РФ выкарыстоўвае супраць Украіны падчас абстрэлаў», — расказаў ён.

Нагадаем, раней прэзідэнт Украіны Уладзімір Зяленскі заявіў, што з боку Беларусі была зафіксавана даволі спецыфічная актыўнасць на ўчастках мяжы з Украінай.