Папа Рымскі Леў XIV асудзіў парушэнні свабоды слова

• 3.05.2026, 18:16

Пантыфік зрабіў заяву ў Сусветны дзень свабоды прэсы.

Папа Рымскі Леў XIV у Сусветны дзень свабоды прэсы асудзіў парушэнні свабоды слова і ўшанаваў памяць журналістаў. Пра гэта паведамляе агенцтва Reuters.

«Сёння мы адзначаем Сусветны дзень свабоды прэсы... на жаль, гэтае права часта парушаецца, часам у відавочнай форме, часам у больш схаваных формах», — сказаў ён у прапаведзі пасля штотыднёвай нядзельнай малітвы.

Папа заклікаў вернікаў памятаць пра журналістаў і рэпарцёраў, якія не выжылі падчас працы ў гарачых кропках.

У сваіх мінулых выступах кіраўнік Каталіцкага Касцёла называў журналістыку апорай грамадства і дэмакратыі, а інфармацыю — грамадскім дабром, якое трэба абараняць і ахоўваць ад маніпуляцый.