Беларускі спецыяліст сказаў, чым каляровая бульба карыснейшая за звычайную

• 3.05.2026, 22:06

Каляровая бульба папулярная ў дачнікаў і фермераў.

Генеральны дырэктар Навукова-практычнага цэнтра па бульбаводстве і пладаагародніцтве Нацыянальнай акадэміі навук Беларусі Вадзім Маханька расказаў БелТА, чым каляровая бульба карыснейшая за звычайную.

Па словах Маханькі, у Беларусі бульба з афарбаванай мякаццю мае, як правіла, сінія, фіялетавыя або ружовыя адценні. Сярод сартоў — «Лекар», «Сапфір» і «Вайлберрыз». Пры гэтым іх незвычайны колер — не вынік маніпуляцый з генетыкай.

У рэспубліцы каляровая бульба папулярная ў дачнікаў і фермераў:

«Пакуль яшчэ ніводная буйнатаварная гаспадарка не ўзялася вырошчваць каляровую бульбу, таму што яна спецыфічная па знешнім выглядзе, часам нават ёсць адрозненні па смакавых якасцях».

Пры гэтым у прыгатаванні бульба арыгінальнай афарбоўкі не саступае звычайнай. Разам з тым Вадзім Маханька заўважыў:

«Такія незвычайныя сарты больш карысныя для здароўя дзякуючы свайму біяхімічнаму складу».

Як кажа эксперт, частка сартоў з афарбаванай мякаццю ўжо зарэгістраваная ў беларускім бульбяным рэестры, іншыя яшчэ праходзяць дзяржаўныя выпрабаванні.