«Галіяф» на 700 к.с.: створаны магутны пікап для найбольш экстрэмальных умоў

• 30.05.2026, 13:33

Аўтамабіль зрабілі ў ЗША.

Пікап GMC Sierra атрымаў звышмагутную версію Goliath 700. Ён абсталяваны V8 на 700 к.с. і падрыхтаваны да цяжкага бездарожжа.

Цюнінг GMC Sierra выканала вядомае атэлье Hennessey Performance з Тэхаса. Пікап кідае выклік Ford F-150 Raptor і Ram 1500 TRX, паведамляе сайт Carscoops.

За аснову ўзялі пазадарожную версію GMC Sierra AT4. Яго 6,2-літровы V8 дапоўнілі механічным кампрэсарам, што павялічыла аддачу да 700 к.с. і 828 Н·м.

З 10-ступеньчатым аўтаматам разгон да 100 км/г цяпер займае 4,2 с. Акрамя таго, усталявалі больш гучны спартыўны выхлап.

Таксама новы GMC Sierra ад Hennessey абсталяваны ўзмоцненай падвескай і вялікімі 35-цалевымі шынамі. Дарожны прасвет складае 299 мм. Поўны прывад дапаўнены паніжальнай перадачай і блакіроўкамі дыферэнцыялаў.

Адрозніць Goliath 700 ад стандартнага GMC Sierra можна па сталёвых бамперах, выпуклым капоце, дадатковых дыёдных фарах і ўзмоцненай абароне днішча. Таксама з'явіліся высоўныя падножкі і карбонавы дэкор, а ў салоне дадалі новыя дыванкі і памятныя таблічкі з серыяйным нумарам аўтамабіля.

Цана GMC Sierra Goliath 700 складае прыблізна 140 000 долараў. Пасля дапрацовак пікап захоўвае трохгадовую гарантыю.