Кобрынскае марожанае заваёўвае свет

• 30.05.2026, 14:08

Фірмовая крама з беларускім пламбірам адкрылася ў Кітаі.

Кобрынскае марожанае, любімае многімі беларусамі, афіцыйна дабралася і да Кітая. Фірмовая крама адкрылася не дзе-небудзь, а ў Шанхаі. Пра гэта Кобрынскі масларобна-сыраробны завод паведаміў у сваім Instagram, піша Onliner.

Дарэчы, у Шанхаі жыве амаль 25 мільёнаў чалавек. Так што цяпер у мільёнаў кітайцаў з’явіўся шанс даведацца, які на смак беларускі пламбір, і параўнаць яго са сваімі азіяцкімі дэсертамі.