Беларусам спрасцілі пошук і набыццё лекаў

З'явіўся новы сэрвіс.

Прадпрыемства РУП «Белфармацыя» распрацавала новы інструмент для беларусаў. Ён дапаможа ў вырашэнні надзённых задач, звязаных з лекамі.

Арганізацыя прадставіла бота ў Telegram пад назвай @Belpharmacia_bot або «Фармабот» і ахарактарызавала яго як «персанальны памочнік пакупніка».

Праз бота кожны зможа знайсці патрэбныя прэпараты, даведацца пра статус замовы ў інтэрнэт-аптэцы pharmamall.by або проста знайсці бліжэйшую аптэку.

Таксама сэрвіс прадаставіць больш падрабязную інфармацыю пра аплату, дастаўку, зніжкі, акцыі, бонусную праграму і нават нагадае пра прыём лекаў.

Апошнія навіны