Зборная Швейцарыі трэці год запар выйшла ў фінал чэмпіянату свету па хакеі

• 30.05.2026, 20:01

Швейцарыя ні разу не перамагала на чэмпіянаце свету, але пяць разоў брала срэбра.

Зборная Швейцарыі перамагла зборную Нарвегіі з лікам 6:0 у паўфінальным матчы чэмпіянату свету па хакеі.

У складзе пераможцаў шайбы закінулі Крыстаф Берчы (18-я хвіліна), Дзяніс Мальгін (25-я хвіліна), Кен Егер (33-я хвіліна), Дам'ен Рыя (37-я хвіліна), Ніко Хіш'ер (45-я хвіліна) і Тэо Рашэт (58-я хвіліна).

У другім паўфінале пазней у суботу згуляюць зборныя Фінляндыі і Канады.

Швейцарыя ні разу не перамагала на чэмпіянаце свету, але пяць разоў брала срэбра (1935, 2013, 2018, 2024, 2025). У фінале швейцарцы згуляюць у трэці раз запар, летась у вырашальным матчы яны саступілі ЗША, у пазамінулым — Чэхіі.

Чэмпіянат свету, які праходзіць у швейцарскіх Цюрыху і Фрыбургу, скончыцца 31 мая.