Канцэрт Шакіры на пляжы Капакабана ў Рыа‑дэ‑Жанэйра ўвайшоў у гісторыю

• 4.05.2026, 19:05

Выступленне сабрала 2 млн гледачоў.

Канцэрт Шакіры на пляжы Капакабана ў Рыа‑дэ‑Жанэйра ўвайшоў у гісторыю. Выступленне, што стала найбольш маштабным у кар’еры спявачкі, сабрала 2 млн гледачоў.

Шоў было бясплатным — і нават гадзінная затрымка не астудзіла пыл прыхільнікаў.

Захапленне публікі дасягнула піку, калі дроны ў небе склалі кранальнае пасланне па-партугальску: «Я люблю цябе, Бразілія».

За дзве гадзіны Шакіра выканала свае галоўныя хіты, у тым ліку Hips Don’t Lie, LaTortura, La Bicicleta, She Wolf і Waka.