У Гомелі аўтамабіль загарэўся прама на запраўцы

• 5.05.2026, 17:39

Вадзіцелька прыехала туды ўжо з дымам і пачала здымаць відэа.

У Гомелі жанчына прыехала на адну з гомельскіх заправаў «Беларуснафты» на аўтамабілі, што задыміўся, прыпаркавалася каля паліўнай калонкі, пасля чаго выйшла з салона і пачала здымаць відэа.

У пэўны момант з-пад капота машыны пачало вырывацца полымя, да яе з агнягаснікамі падбеглі работнікі аўтазаправачнай станцыі. Адразу ж прыбыў і атрад МНС. Пацярпелых няма.

У «Беларуснафце» патлумачылі, што дзеянні вадзіцелькі былі недапушчальнымі, бо АЗС — аб’екты падвышанай небяспекі. Транспартны сродак трэба было неадкладна спыніць і выклікаць выратавальнікаў.

«У выпадку з’яўлення дыму або агню з-пад капота трэба адгнаць аўтамабіль ад калонкі АЗС, прыняць аператыўныя меры па тушэнні ўзгарання першаснымі сродкамі пажаратушэння. Вадзіцелям варта клапаціцца пра спраўны стан свайго аўтамабіля», — паведамілі ў кампаніі.