Ракеты «Фламінга» пашкодзілі цэхі завода ў Чабаксарах: новыя даныя

• 6.05.2026, 9:32

Аналітыкі вывучылі спадарожнікавыя здымкі.

Украінскія крылатыя ракеты «Фламінга» і дроны АН-196 «Люты» паразілі вытворчыя магутнасці абароннага завода «ВНИИР-Прогресс» у Чабаксарах, які размешчаны прыкладна за 1000 км ад Украіны, паведамляе ў Telegram-канале Киберборошно.

Адпаведныя спадарожнікавыя здымкі абнародваў маніторынгавы праект. Адзначаецца, што паводле вынікаў аналізу крылатая ракета FP-5 «Фламінга» трапіла пад вуглом у пярэднюю частку галоўнага корпуса.

«Будынак быў абаронены супрацьдронавымі сеткамі, што сведчыць пра яго прыярытэтны статус сярод аб’ектаў прадпрыемства», — адзначаюць аналітыкі.

Акрамя таго, унутры і звонку зафіксавана маштабнае ўзгаранне. Прыкметна, што пасля ўдару побач з корпусам працуе будаўнічы кран. Верагодна, для дэмантажу канструкцый або разбору завалаў.

«Асобна два БПЛА АН-196 «Люты» паразілі іншы будынак прадпрыемства, што таксама выклікала ўзгаранне», — гаворыцца ў паведамленні.