На валютным рынку — змены

• 6.05.2026, 20:51

У Нацбанку расказалі падрабязнасці.

Кампаніі і насельніцтва ў красавіку прадалі на ўнутраным рынку замежнай валюты на 568 млн долараў больш, чым купілі. Пра гэта паведамляе Нацбанк. І калі для фізасоб гэта звыклая сітуацыя ў бягучым і 2025 гадах, то для бізнесу — не, перадае «Зеркало».

У тым ліку юрыдычныя асобы-рэзідэнты за красавік на чыстай аснове прадалі 339,9 млн, насельніцтва — 228,1 млн, удакладняе рэгулятар. Да гэтага бізнес у бягучым годзе больш запасаўся замежнымі грашыма, чым прадаваў.

У студзені — красавіку гэтага года насельніцтва купіла замежнай валюты на 4 млрд 360,1 млн долараў у эквіваленце, а здало ў абменнікі — 5 млрд 2,8 млн. Розніца — 642,7 млн долараў.

Бізнес па выніках студзеня — красавіка гэтага года больш актыўна купляў валюту, чым прадаваў. Розніца — 216,5 млн долараў.