У Мінску каля станцыі «Грушаўка» заўважылі малпу, якая бегала

• 6.05.2026, 21:30

Відэафакт.

Карыстальніца Threads апублікавала допіс пра тое, што каля станцыі метро «Грушаўка» яна ўбачыла малпачку, якая «там паўсюль бегала». «Для мяне гэта было нечаканасцю», — падзялілася ўражаннем аўтарка.

Каментатары падказалі, што малпачка — жыхарка мясцовага кафэ і бегае не ўсюды, а толькі паблізу завядзення.

«Там вялікая прастора для яе ў выглядзе мяккай клеткі, якая займае большую частку самога кафэ», — адзначылі карыстальнікі.

Мінчукі кажуць, што хвалявацца за жывёлу не варта, яна жыве ў добрых умовах.

Хтосьці пажартаваў, што малпа з’явілася ў цэнтры сталіцы, бо «прырода Мінска настолькі ачысцілася».