Лукашэнка звольніў намесніка начальніка Генштаба

• 6.05.2026, 21:49

Сяргей Лагадзюк уключаны ў санкцыйныя спісы Еўрасаюза і Украіны.

Аляксандр Лукашэнка вызваліў ад пасады намесніка начальніка Генеральнага штаба — начальніка галоўнага аператыўнага ўпраўлення Сяргея Лагадзюка.

Амаль 55‑гадовы (дзень нараджэння ў яго 11 мая) генерал-маёр Лагадзюк звольнены з вайсковай службы ў запас па ўзросце. Пры гэтым за ім захавана права насіць вайсковую форму і знакі адрознення.

Сяргей Лагадзюк за садзейнічанне агрэсіі Расіі ва Украіне ўваходзіць у санкцыйныя спісы Еўрасаюза і Украіны.