Трамп: Расія і Кітай ніколі не дагоняць Касмічныя сілы ЗША

• 6.05.2026, 22:02

Прэзідэнт ЗША заявіў пра моцную перавагу ЗША ў касмасе.

Касмічныя сілы ЗША валодаюць самым магутным патэнцыялам у свеце і пераўзыходзяць аналагічныя сілы РФ і Кітая. Пра гэта заявіў амерыканскі прэзідэнт Дональд Трамп.

«Нашы Касмічныя сілы — цяпер вядучыя ў параўнанні з іншымі краінамі — Кітаем, Расіяй... Мы настолькі моцна пераўзыходзім усіх у касмасе, што нас ніколі не дагоняць», — сказаў Трамп.

Паводле яго слоў, раней ЗША саступалі РФ і КНР у гэтай галіне, аднак сітуацыя змянілася ў 2019 годзе пасля стварэння Касмічных сіл як асобнага роду войскаў.