У Латвію заляцелі беспілотнікі РФ

• 7.05.2026, 9:46

Гаворка ідзе пра два БПЛА.

На тэрыторыі Латвіі ўпалі два беспілотныя лятальныя апараты, якія, паводле папярэдніх звестак, маглі заляцець з боку Расіі. Пра гэта паведамілі Нацыянальныя ўзброеныя сілы краіны.

Вайскоўцы ўдакладнілі, што на месцы здарэння працуюць падраздзяленні Нацыянальных узброеных сіл, Дзяржаўнай паліцыі і Дзяржаўнай пажарна-выратавальнай службы.

У заяве адзначаецца, што на фоне працяглых баявых дзеянняў ва Украіне захоўваецца рызыка паўтарэння падобных інцыдэнтаў, калі беспілотнікі могуць уваходзіць у паветраную прастору Латвіі або набліжацца да яе.