Belavia рыхтуецца аднавіць рэйсы ў Дубай

• 7.05.2026, 10:47

Авіякампанія плануе выконваць палёты два разы на тыдзень з канца мая.

Ідзе гаворка пра рэгулярнае авіязлучэнне паміж Мінскам і Дубаем. Belavia плануе аднавіць яго з 22 мая 2026 года пры ўмове, што будуць забяспечаныя ўмовы для бяспечнага выканання палётаў, паведамляе прэс-служба кампаніі.

На пачатковым этапе рэйсы прадугледжаныя з частатой два разы на тыдзень па аўторках і пятніцах на самалёце «Боінг-737».

Нагадаем, што рэгулярныя рэйсы, якія злучалі Беларусь і ААЭ, зніклі з раскладу 28 лютага пасля абвастрэння канфлікту на Блізкім Усходзе. У сакавіку авіякампанія выканала некалькі вывазных рэйсаў з Дубая, каб вярнуць дадому турыстаў, якія затрымаліся.

З таго часу авіязлучэнне не аднаўлялася.