Буйны град накрыў Беларусь

• 7.05.2026, 20:51

Фотафакт.

Месцамі ў Беларусі прайшоў буйны град. Яго зафіксавалі, у прыватнасці, у Маладзечанскім і Лагойскім раёнах.

У Маладзечне 7 мая сыпаў град дыяметрам з капейкавую манету. Зялёныя газоны раптам сталі белымі. Чарназём у вулічных вазонах таксама пабялеў, піша kraj.by.

Праўда, пры вулічнай тэмпературы каля плюс 20 градусаў градыны на вачах ператвараліся ў ваду.

Разгул стыхіі зафіксавалі на фота і ў Крайску на поўначы Лагойскага раёна.

Свежыя фота і відэа з градам у сваіх сацсетках апублікаваў і блогер «Мерзкий Кокобай», праўда, не пазначыўшы рэгіёна.