Прэс-сакратарка Трампа нарадзіла дачку

• 8.05.2026, 19:28

Кэралін Левіт паведаміла, што дзяўчынку назвалі Вівіянай.

Прэс-сакратарка прэзідэнта ЗША Дональда Трампа Кэралін Левіт нарадзіла другое дзіця. 1 мая нарадзілася дзяўчынка Вівіяна — або «Віві». Пра гэта Левіт паведаміла ў сваім профілі ў Instagram, на які падпісаныя тры мільёны чалавек, піша Bild.

«Яна ідэальная і здаровая, а яе старэйшы брат з радасцю прызвычайваецца да жыцця са сваёй новай маленькай сястрычкай. Мы атрымліваем асалоду ад кожнага моманту ў нашай шчаслівай бурбалцы нованароджанай», — напісала Левіт.

Бацька дзіцяці — дэвелапер у сферы нерухомасці Нікалас Рыччо. У пары ўжо ёсць сын — Ніко, які нарадзіўся ў ліпені 2024 года.

Левіт — наймаладзейшая прэс-сакратарка ў гісторыі Белага дома і першая, хто займаў гэтую пасаду, будучы цяжарнай. Пра сваю цяжарнасць яна паведаміла ў снежні: «Найбольшы калядны падарунак, пра які мы толькі маглі марыць».

Пакуль Левіт у адпачынку па доглядзе за дзіцем, прэс-канферэнцыі праводзяць члены кабінета.

Дзяржсакратар Марко Рубіо упершыню выступіў у гэтай ролі 5 мая — адзін з чыноўнікаў Белага дома назваў яго «прыроджаным талентам» і пахваліў яго пазіцыю адносна Ірана.

Хутка ролю прэс-сакратара павінен выканаць і віцэ-прэзідэнт Джэй Дзі Вэнс. Міністр фінансаў Скот Бэсент і іншыя палітыкі таксама могуць далучыцца — «магчыма, нават сам прэзідэнт», — паведаміў адзін амерыканскі чыноўнік.