У Польшчы каля мяжы з РФ выявілі дрон з надпісамі на кірыліцы

• 9.05.2026, 14:13

На месцы працуюць службы, раён ачэплены.

У Вармінска-Мазурскім ваяводстве Польшчы, у населеным пункце Асека, размешчаным каля мяжы з расійскай Калінінградскай вобласцю, выяўлены дрон з надпісамі на рускай мове.

Пра гэта паведамляе Polsat News са спасылкай на дадзеныя мясцовай паліцыі.

Дрон знайшлі ў полі. Зараз на месцы здарэння працуюць службы. Месца здарэння ачэплена.

«Паведамленне пра гэта мы атрымалі ад ананімнага сведкі», — паведаміла прэс-сакратар мясцовай паліцыі Марта Кабеліс.

Як паведамляе RMF24, на дроне ёсць надпісы кірыліцай. Прылада абсталяваная камерай, і гэта не той тып дрона, які звычайна можна набыць у краме.