ЗША нанеслі ўдары па ваенных мэтах у Іране

• 1.06.2026, 8:22

Знішчаны сродкі СПА, пункт кіравання і дроны рэжыму аятолаў.

Армія ЗША атакавала радары і пункты кіравання беспілотнікамі ў раёне Горука і на востраве Кешм у Іране. «Удары былі нанесены ў субату і нядзелю ў адказ на агрэсіўныя дзеянні Ірана, у тым ліку на збіты амерыканскі дрон MQ-1, які ляцеў над міжнароднымі водамі», — паведамілі у Цэнтральным камандаванні ЗША (CENTCOM).

Паводле іх дадзеных, амерыканскія знішчальнікі аператыўна знішчылі іранскія сродкі СПА, наземны пункт кіравання і два ўдарныя дроны, якія пагражалі судам у рэгіянальных водах. У камандаванні паабяцалі і далей абараняць інтарэсы ЗША ў адказ на «неапраўданую іранскую агрэсію ў межах дзеючага перамір’я».

У Корпусе вартовых ісламскай рэвалюцыі (КВІР) у сваю чаргу заявілі, што ў адказ на нядаўні ўдар Арміі ЗША па тэлекамунікацыйнай вежы ў Сірыку (правінцыя Хормозган) іранскія сілы нанеслі ўдар па амерыканскай авіябазе, з якой вялася атака, і «знішчылі наземныя мэты».