У Мінску Nissan урэзаўся ў аўтобус

• 1.06.2026, 11:14

Тры пасажыры трапілі ў бальніцу.

Учора днём 45-гадовая жанчына — вадзіцелька легкавога Nissan — ехала па праспекце Партызанскім. Пры павароце направа, на вуліцу Шасейную, яна не прадаставіла перавагу спадарожнаму аўтобусу МАЗ, у выніку чаго адбылося ДТЗ.

Таксама ўстаноўлена, што вадзіцелька Nissan здзяйсняла паварот з другой паласы руху, хоць гэта супярэчыць патрабаванням дарожнага знака, паведамляе ДАІ Мінска.

Трох пасажыраў аўтобуса даставілі ў бальніцу для абследавання. Астатнія пасажыры аўтобуса, а таксама вадзіцелі транспартных сродкаў не патрабавалі медыцынскай дапамогі.