Слуп чорнага дыму ў Мінску: сталі вядомыя падрабязнасці

• 1.06.2026, 12:05

Пажар узнік на «Атланце».

Падраздзяленні МНС ліквідавалі ўзгаранне на тэрыторыі прадпрыемства на праспекце Пераможцаў у Мінску, паведамілі 1 чэрвеня ў прэс-службе Міністэрства па надзвычайных сітуацыях.

Паводле аператыўнай інфармацыі, «адбылося ўзгаранне другаснай сыравіны (пенапаліпрапілену) у металічным складскім будынку». У ведамстве падкрэслілі, што «тэхналагічны працэс не парушаны».

«Пацярпелых няма. Прычыны і абставіны здарэння высвятляюцца. На месцы працавала 5 адзінак тэхнікі МНС», — адзначылі ў МНС.

Публікацыі ў сацыяльных сетках і мэсэнджарах дазваляюць меркаваць, што ўзгаранне адбылося на тэрыторыі завода «Атлант».