У «Белтэлекама» з’явіліся змены

• 1.06.2026, 22:14

Ад павышэння тарыфаў да навацыі для ўладальнікаў прыватных дамоў.

У «Белтэлекама» з 1 чэрвеня адбылося некалькі змен. Адна з іх — рост тарыфаў на некаторыя паслугі. «Зеркало» распавядае падрабязнасці.

«Белтэлекам» з 1 чэрвеня падняў тарыфы за адпраўку тэлеграм. Напрыклад, для фізічных асоб кошт у межах краіны — на 14,3% (да 0,08 рубля за слова). Для арганізацый гэта паслуга таксама падаражэла.

Таксама з першага дня лета «Белтэлекам» запусціў два новыя тарыфныя планы паслугі «Відэакантроль». «Цяпер уладальнікі прыватных дамоў змогуць выбраць адпаведны тарыф для розных задач: базавы нагляд за невялікай тэрыторыяй, кантроль за дзецьмі або пажылымі сваякамі на ўчастку, нагляд за хатнімі гадаванцамі або забеспячэнне бяспекі прасторнага катэджа», — паведамілі ў кампаніі.

З 1 чэрвеня «Белтэлекам» перастаў падключаць новых абанентаў да тарыфнага плана «Рекорд 100 Промо», які прадугледжвае інтэрнэт на хуткасці 100/50 Мбіт/с. Раней у кампаніі заяўлялі, што для кліентаў, якія паспеюць падключыць гэты план, «фіксаваны кошт застанецца назаўсёды». Абанплата складае 29,8 рубля ў месяц.