ЧС па футболе: Японія вырвала нічыю ў Нідэрландаў

• 15.06.2026, 8:26

А шведы разграмілі Туніс.

На чэмпіянаце свету па футболе, які праходзіць у Канадзе, ЗША і Мексіцы, адбыліся чарговыя матчы групавога этапу.

У стартавым матчы гульнявога дня зборныя Нідэрландаў і Японіі пераможцу не вызначылі — 2:2. Нідэрландцы двойчы выходзілі наперад дзякуючы голам Вірджыла ван Дэйка і Крысенсіё Самервіла, аднак японцы змаглі адыграцца. У складзе азіяцкай каманды адзначыліся Кэйта Накамура і Даіці Камада.

У іншым матчы зборная Кот-д’Івуара з мінімальным лікам абыграла Эквадор — 1:0. Адзіны мяч забіў паўабаронца Амад Дыяло.

Найбольш выніковай сустрэчай стала гульня Швецыі і Туніса. Шведы атрымалі ўпэўненую перамогу з лікам 5:1. Дубль аформіў Ясін Айяры, яшчэ па голу забілі Аляксандр Ісак, Віктар Д’ёкереш і Марцін Сванберг. Аўтарам адзінага мяча Туніса стаў Амар Рэкік.

Сёння на турніры адбудуцца яшчэ два матчы: Іспанія згуляе з Каба-Вердэ, а Бельгія сустрэнецца з Егіптам.