Украінскі спецназ знішчыў расійскі комплекс падаўлення Starlink

• 15.06.2026, 17:36

Унікальная аперацыя.

Байцы Цэнтра спецыяльных аперацый «Альфа» СБУ сумесна з аператарамі 422-га асобнага палка беспілотных сістэм Luftwaffe знішчылі расійскі комплекс падаўлення станцый спадарожнікавай сувязі Starlink.

Аперацыя па выяўленні і паражэнні варожага комплексу была праведзена 14 чэрвеня.

На апублікаваных кадрах бачна, як ударны беспілотнік дакладна трапляе ў мэту. Пасля ўдару адбываецца магутны выбух, у выніку якога комплекс праціўніка атрымлівае крытычныя пашкоджанні.

Расійскі комплекс выкарыстоўваўся для супрацьдзеяння працы сістэм спадарожнікавай сувязі Starlink, якія актыўна выкарыстоўваюцца ўкраінскімі вайскоўцамі на фронце.