У Беларусі магчымыя перабоі ў працы банкаўскіх картак
- 15.06.2026, 17:33
Банкі раяць загадзя зняць наяўныя і не адкладаць важныя плацяжы.
У ноч на чацвер, 18 чэрвеня, у Беларусі магчымыя кароткатэрміновыя перабоі ў працы банкаўскіх картак, паведамілі у Банкаўскім працэсінгавым цэнтры.
Прычына — планавыя тэхналагічныя работы на абсталяванні сеткі перадачы дадзеных цэнтра. Яны будуць праводзіцца з 00:00 да 06:30.
У гэты перыяд некаторыя трымальнікі картак могуць сутыкнуцца з часовымі складанасцямі пры здзяйсненні аперацый.
На час тэхнічных работ частка звыклых аперацый можа быць недаступнай.
Маюцца на ўвазе аплата пакупак карткай, зняцце наяўных, а таксама праца банкаматаў, інфакіёскаў і плацёжных тэрміналаў.
Абмежаванні могуць закрануць абсталяванне банкаў, падключаных да апаратна-праграмнага комплексу Банкаўскага працэсінгавага цэнтра.
Сярод іх — Беларусбанк, Белагропромбанк, Паритетбанк, Банк Решение, Нео Банк Азия, Цептер Банк, БСБ Банк і іншыя.
Ім варта загадзя падрыхтавацца да магчымых абмежаванняў. Напрыклад, зняць наяўныя або не адкладаць важныя плацяжы на час правядзення работ.
У Банкаўскім працэсінгавым цэнтры папрасілі прабачэння за магчымыя нязручнасці.