Ва Украіне ўводзяць у зварот новыя банкноты з лозунгам «Слава Украіне! Героям слава!»

• 15.06.2026, 22:46

Фотафакт.

Нацыянальны банк Украіны з 16 чэрвеня ўводзіць у наяўны зварот мадыфікаваныя банкноты наміналам 100 грыўняў. Пра гэта 15 чэрвеня паведамілі ў Нацбанку Украіны.

У правай верхняй частцы на адваротным баку банкнот размешчаны лозунг «Слава Украіне! Героям слава!».

У НБУ адзначылі, што ўсе астатнія элементы дызайну і абароны гэтых банкнот адпавядаюць банкнотам наміналам 100 грыўняў узору 2014 года.

Грамадзянам не трэба спецыяльна абменьваць старыя банкноты на новыя. Яны застануцца ў звароце як законны плацежны сродак, дадалі ў Нацбанку Украіны.