У Магілёўскай вобласці пройдуць маштабныя вучэнні сілавікоў

• 16.06.2026, 10:27

Жыхароў папярэдзілі аб узмоцненым кантролі і абмежаваннях руху.

У Магілёўскай вобласці з 16 па 18 чэрвеня пройдуць вучэнні па праверцы гатоўнасці дзяржаўных органаў да ўзаемадзеяння і рэагавання на акты тэрарызму, паведаміў мясцовы аблвыканкам са спасылкай на Камітэт дзяржаўнай бяспекі.

У мерапрыемствах прымуць удзел падраздзяленні Мінабароны, міліцыі, МНС, Следчага камітэта, КДБ і іншых дзяржаўных органаў.

«Сцэнарыем вучэнняў прадугледжваецца задзейнічанне ваеннай і іншай спецыяльнай тэхнікі, узмоцнены кантроль і абмежаванне дарожнага руху ў зоне правядзення вучэнняў», — паведамляе прапагандысцкае дзяржагенцтва БЕЛТА са спасылкай на КДБ.

Жыхароў рэгіёна папрасілі «выконваць патрабаванні супрацоўнікаў праваахоўных органаў».