У Брэсце кіроўца маршруткі вёз пасажыраў, гартаючы стужку TikTok

• 16.06.2026, 11:15

Парушэнне зняў на відэа адзін з пасажыраў.

У Брэсце кіроўца маршрутнага таксі падчас руху гартаў стужку TikTok. Адзін з пасажыраў зняў парушэнне на відэа і апублікаваў у сацсетцы. Пасля гэтага маршрутчыка знайшлі і пакаралі, паведамілі ў ДАІ.

У роліку бачна, як кіроўца маршруткі проста падчас паездкі прыбірае руку з руля, каб прагартаць відэа на мабільным тэлефоне, які ўсталяваны побач.

ДАІ ўстанавіла парушальніка. Ім аказаўся 35-гадовы брэстчанін. Мужчыну прыцягнулі да адміністрацыйнай адказнасці.

Нагадаем: за выкарыстанне мабільнага тэлефона падчас руху пагражае штраф да дзвюх базавых велічынь (90 рублёў).