Беларуская кампанія пачала выпускаць дзіцячыя браняжылеты

• 17.06.2026, 17:12

Іх адпраўляюць у РФ як «гуманітарную дапамогу».

У Беларусі вырабляюць браняжылеты для дзяцей і падлеткаў. Такую прадукцыю кампанія «Броня» прадставіла на форуме «Нацыянальная бяспека. Беларусь-2026» у Мінску, піша расійскае агенцтва ТАСС.

«Гэта дзіцячы жылет і дзіцячае понча. Яны выкарыстоўваюцца для эвакуацыі дзяцей з эпіцэнтра баявых дзеянняў, каб хаця б мінімальна абараніць дзяцей ад асколкаў, бо ў асноўным цяпер ідзе асколачнае паражэнне, дроны», — распавёў прадстаўнік кампаніі на стэндзе.

Ён дадаў, што жылет і понча зроблены з араміднай тканіны па класе абароны Бр2. Кампанія адпраўляе шмат такіх вырабаў у якасці гуманітарнай дапамогі ў Расію, у прыватнасці, у Белгарад. Жылет і понча важаць прыблізна па 3 кг. Абодва вырабы звонку нагадваюць звычайнае дзіцячае адзенне з малюнкамі.

«Такую афарбоўку мы прымянілі, каб дзеці не палохаліся. Бо калі вайскоўцы надзяваюць на дзяцей армейскія браняжылеты, гэта наводзіць на іх страх. Каб не траўмаваць дзяцей, робім такую дзіцячую афарбоўку», — дадаў прадстаўнік кампаніі.

Браняпакеты здымныя, сам жылет можна сціраць, пазначана на сайце вытворцы. Там жа адзначаецца, што «вялікі каптур выдатна закрывае галаву, падоўжаны ніз — зону паху і ягадзіц».

Такую прадукцыю вырабляе кампанія «Броня», якая вырабляе браняжылеты і іншае абсталяванне для сілавікоў.