Раналду ўслід за Месі згуляў на рэкордным шостым чэмпіянаце свету

• 17.06.2026, 21:25

41-гадовы партугалец выйшаў у стартавым складзе на матч супраць ДР Конга.

Нападнік зборнай Партугаліі Крыштыяну Раналду выйшаў у стартавым складзе на першы матч групавога этапу чэмпіянату свету-2026 супраць зборнай ДР Конга і стаў другім гульцом у гісторыі, які згуляў на шасці чэмпіянатах свету.

Першым на свой шосты чэмпіянац свету напярэдадні выйшаў форвард зборнай Аргенціны Ліянэль Месі.

На пяці чэмпіянатах свету гулялі мексіканцы Антоніа Карбахаль, Рафаэль Маркес, Андрэс Гуардада і нямец Латар Матэус.

Па звестках Opta, 41-гадовы Раналду стаў найстарэйшым палявым гульцом у стартавым складзе ў гісторыі чэмпіянатаў свету.

Зборная Партугаліі трапіла ў групу K, дзе таксама сустрэнецца 23 чэрвеня з Узбекістанам, а 28 чэрвеня — з Калумбіяй.

Чэмпіянац свету ўпершыню праходзіць з удзелам 48 нацыянальных каманд на тэрыторыі трох краін — ЗША, Канады і Мексікі. Турнір завершыцца 19 ліпеня.