Украінскі амбудсмен звязаўся з Беларуссю пасля абвінавачанняў у абстрэле аўтобуса з дзецьмі

• 17.06.2026, 21:45

Дзмітрый Лубінец заявіў, што Украіна не мае ніякага дачынення да гэтай падзеі.

Украінскі бок абверг паведамленне Расіі пра ўдар па аўтобусе з дзецьмі у Бранскай вобласці і дапусціў, што гаворка ідзе пра чарговую інфармацыйную аперацыю.

Пра гэта паведамляе РБК-Украіна са спасылкай на заяву Упаўнаважанага Вярхоўнай Рады Украіны па правах чалавека Дзмітрыя Лубінца.

Паводле яго слоў, пасля з’яўлення паведамленняў пра атаку на аўтобус з дзецьмі ў Бранскай вобласці ён неадкладна звязаўся з беларускім бокам і атрымаў першасную інфармацыю пра інцыдэнт.

Падчас размовы амбудсмен асобна падкрэсліў, што Украіна не мае ніякага дачынення да гэтай падзеі.

Упаўнаважаны падкрэсліў, што Сілы абароны Украіны не наносяць удары па грамадзянскіх аб’ектах і грамадзянскім насельніцтве. Паводле яго слоў, на тэрыторыі Расійскай Федэрацыі ўкраінскія вайскоўцы паражаюць выключна ваенныя мэты.

«У адрозненне ад Расіі, якая штодня атакуе ўкраінскія гарады, жылыя дамы і забівае мірных грамадзян, Украіна дзейнічае ў межах нормаў міжнароднага гуманітарнага права», — гаворыцца ў заяве.

Лубінец не выключыў, што гаворка ідзе пра чарговую правакацыю або інфармацыйную аперацыю, «выгадную перш за ўсё Расійскай Федэрацыі».

Як Упаўнаважаны Вярхоўнай Рады Украіны па правах чалавека ён заявіў пра гатоўнасць узяць удзел у празрыстым і беспрадузятым усталяванні ўсіх фактаў і абставін здарэння.