CBS News: Украінскія далёкасяжныя ўдары загаляюць СПА Расіі ў тупік

• 17.06.2026, 23:18

Які фактар стаў крытычным для расійскай СПА.

Армія РФ сутыкаецца з вострым дэфіцытам ракет-перахопнікаў для зенітна-ракетных комплексаў С-300. Гэта істотна аслабляе супрацьпаветраную абарону праціўніка і дазваляе ЗСУ больш эфектыўна знішчаць вайсковыя аб’екты ў глыбокім тыле РФ.

Пра гэта паведамляе CBS News.

Як паведаміла выданне, паводле інфармацыі ўкраінскіх чыноўнікаў, знаёмых з ацэнкамі разведкі, Масква вычэрпвае запасы для сістэм С-300 «няўстойлівымі тэмпамі».

Адна з галоўных прычын у тым, што акупанты перапрафілявалі гэтыя зенітныя ракеты для удараў па наземных мэтах ва Украіне як ракеты класа «зямля-зямля».

Акрамя таго, арсеналы праціўніка знясіляюцца з-за рэгулярных налётаў новых украінскіх беспілотнікаў глыбокага паражэння, у прыватнасці рэактыўных мадэляў. Расія вымушаная траціць высокакоштныя перахопнікі на адбіццё гэтых атак замест абароны ад ракетных удараў.

Сітуацыю для Крамля ўскладняе і тое, што Украіна вядзе мэтавае паляванне на расійскія сродкі СПА.

«За апошнія некалькі месяцаў Украіна знішчыла або пашкодзіла вялікую колькасць сістэм супрацьпаветранай абароны на акупаваных тэрыторыях — у Крыме, Луганску і іншых месцах», — патлумачыў расійскі ваенны эксперт Інстытута даследаванняў знешняй палітыкі Роб Лі.

Запоўніць дэфіцыт савецкіх С-300 Расіі надзвычай складана. З-за жорсткіх заходніх санкцый Масква адчувае недахоп ключавых імпартных кампанентаў, у прыватнасці галоўак саманавядзення і модуляў кіравання, якія раней пастаўляліся заходнімі і кітайскімі вытворцамі.

У той жа час у ГУР Мінабароны папярэджваюць, што ў ворага па-ранейшаму захоўваюцца значныя абаронныя магутнасці.

Паводле слоў выконваючага абавязкі кіраўніка разведкі Алега Чорнага, цяпер Масква засяроджваецца на «вытворчасці ракет для больш сучасных» комплексаў СПА, такіх як С-350, С-400 і «Панцыр-С1».